စနစ်မှန်သွားတိုက်နည်း

ဒီတစ်ခါတော့ စနစ်မှန်သွားတိုက်နည်းလေးအကြောင်းကို ပြောပြချင်ပါတယ်..... ကျနော်အရင်တုန်းကပြောပြခဲ့ဖူးပါတယ်.... သွားနဲ့ခံတွင်းရောဂါတွေမှာအဖြစ်အများဆုံးရောဂါတွေက သွားပိုးစားရောဂါနဲ့ သွားဖုံးရောဂါတို့ပဲဖြစ်ပါတယ်.. ဒီရောဂါတွေဖြစ်ပွားစေတဲ့အကြောင်းကလည်း ခံတွင်းထဲမှာရှိတဲ့ ဘက်တီးရီးယားပိုးမွှားများနဲ့ ခံတွင်းမသန့်ရှင်းမှုတို့ကြောင့်ဖြစ်ပါတယ်.. ဘက်တီးရီးယားတွေလျော့ပါးသွားစေရန်နဲ့ ခံတွင်းသန့်ရှင်းစေရန် နည်းလမ်းကတော့ စနစ်မှန်သွားတိုက်နည်းဖြစ်ပါတယ်..... အကောင်းဆုံးက သွားပွတ်တံ နဲ့ ဖလိုရိုက်ဒ်ပါတဲ့ သွားတိုက်ဆေးကို သုံးပြီး စနစ်တကျအချိန်မှန်သွားတိုက်ခြင်းဖြစ်ပါတယ်..နေ့စဉ်သွားတိုက်သည် ဆိုသော်လည်းသွားတိုက်နည်းစနစ်မကျပါက ထိရောက်သင့်သလောက် မထိရောက်ဘဲ သွားပိုးစားရောဂါနဲ့ သွားဖုံးရောဂါဖြစ်နိုင်ပါတယ်.. ပထမဆုံးသွားပွတ်တံ ရွေးချယ်နည်းကိုပြောပြပါမယ်.. သွားပွတ်တံရွေးချယ်ရာမှာ သွားပွတ်တံအမျှင်များဟာ ပျော့ပြောင်းပြီး မြဲမြံစွာ ဆုပ်ကိုင်နိုင်တဲ့ လက်ကိုင်ပါရှိရပါမယ်.. သွားတိုက်ဆေးရွေးချယ်ရာမှာလည် ဖလိုရိုက်ဒ်(Fluoride) ပါတဲ့ သွားတိုက်ဆေးကို သုံးရပါမယ်..ဖလိုရိုက်ဒ်ဟာ သွားရောဂါတွေကို ကာကွယ်ရာမှာ အရေးပါလှပါတယ်.. သွားကိုဘယ်လိုတိုက်ကြမလဲ.. သွားတိုက်ဆေးထည့်ထားတဲ့သွားပွတ်တံအမျှင်များကို ကိုယ့်ရဲ့သွားနဲ့သွားဖုံးထိစပ် နေတဲ့နေရာမှာ ၄၅ဒီဂရီကန့်လန့်ဖြတ်ထားရှိပြီး သွားဖုံးဘက်မှ သွားဘက်သို့ တံမြက်စည်းလှဲသကဲ့သို့ တစ်ချက်ပြီးတစ်ချက် အလိုက်သင့်ဖိတိုက်ရပါမယ်.. တစ်နေရာကို ၅ကြိမ် ၇ ကြိမ်ခန့်တိုက်ပါ..အပေါ်သွား..အောက်သွား အားလုံးစုံအောင်တိုက်ရပါမယ်..သွားများ၏အပြင်ဘက်မျက်နှာပြင် အတွင်းဘက်မျက်နှာပြင် နှင့်အစာဝါးသောမျက်နှာပြင် စတာတွေကို အကုန်နှံ့စပ်အောင် တိုက်ရပါမယ်..သွားတစ်ခါတိုက်လျှင် အနည်းဆုံး နှစ်မိနစ် ခန့်ကနေ သုံးမိနစ်ခန့်ကြာအောင် တိုက်သင့်ပါတယ်.. အကောင်းဆုံးသွားတိုက်သည့်အချိန်မှာ နံနက်စာ စားပြီးချိန်နဲ့ ညအိပ်ရာမ၀င်ခင် အချိန်တို့ဖြစ်ပါတယ်.. တစ်နေ့လျှင်တစ်ကြိမ်သာ တိုက်နိုင်တဲ့သူများအဖို့တော့ ညအိပ်ရာအ၀င်မီ သွားတိုက်ခြင်းက အကောင်းဆုံးဖြစ်ပါတယ်.. ဒါ့အပြင်အိမ်သုံးဆား၊မီးသွေး၊ဖွဲ ပြာ တို့နဲ့သွားတိုက်ခြင်းကိုလည်း ရှောင်ကြဉ်ရပါမယ်.. သွားချေးလွှာတွေပိုမိုလျော့ပါးစေဖို့ ခံတွင်းသန့်ဆေးရည်ဖြင့် ငုံထွေးခြင်း ပလုတ်ကျင်းခြင်းတို့ကိုလည်း ပြုလုပ်နိုင်ပါတယ်..ဖြစ်နိုင်ပါက သွားကြား များတွင် သွားကြားပွတ်ကြိုး (Dental floss) ကိုအသုံးပြု၍ သန့်ရှင်းပေးပါက အကောင်းဆုံးဖြစ်ပါတယ်..သွားကြားပွတ်ကြိုးဆိုတာ သွားတစ်ချောင်းနဲ့ တစ်ချောင်းကြား သွားပွတ်တံအမျှင်များမရောက်နိုင်တဲ့နေရာရှိ သွားချေးလွှာ နဲ့အစာကြွင်း အစာကျန်တွေကိုဖယ်ထုတ်သန့်စင်နိုင်တဲ့ နိုင်လွန်ကြိုးမျှင်ဖြစ်ပါတယ်..ယင်းတို့ကိုမှန်မှန်သုံးပါက သွားကြားများမှာ သွားပိုးစားရောဂါ သွားဖုံးရောဂါများကို ကာကွယ်နိုင်ပြီး ခံတွင်းသန့်ရှင်း ရေးအတွက်လည်း အလွန်အသုံးဝင်ပါတယ်..သွားကြားပွတ်ကြိုးအသုံးပြုပုံကို သေချာစွာ စနစ်တကျ လေ့ကျင့်ပေးရန် လိုအပ်လှပါတယ်... ကြိုတင်ကာကွယ်ခြင်းက ကုသခြင်းထက်ပိုမိုကောင်းမွန်သည်လို့ ဆိုသလိုပဲ..သွားနှင့်ခံတွင်းရောဂါတွေဟာ ကြိုတင်ကာကွယ်နိုင်သဖြင့် ဖြစ်မှကုသခြင်းထက် ကြိုတင်ကာကွယ်ခြင်းဟာအကောင်းဆုံးဖြစ်ပါတယ်... စနစ်မှန်သွားတိုက်နည်းကိုအသုံးပြုခြင်းအားဖြင့် လူသားအားလုံး သွားနှင့်ခံတွင်းရောဂါများ ကင်းဝေးကြပါစေ.... Ref: Health Education notes from PCD Handnotes Dr.နှင်းငယ်