အဖေသို့

အဖေ့အတွက် ကဗျာတစ်ပုဒ်

အဖေ...
ငယ်ငယ်က ဖယောင်းတိုင်မီးလေးအောက်မှာ
သမီးကိုစာသင်ပေးတိုင်း အဖေ့ဆံပင်ကောက်လေးတွေမီးလောင်တာ
ကိုကြည့်ပြီး သမီးရယ်ခဲ့တာကို သူပါလိုက်ရယ်ခဲ့တဲ့အဖေ...

အဖေ...
ငယ်ငယ်က G စာလုံးကို ဘယ်လိုမှရေးတတ်ဖို့သင်မရတာကို
စိတ်ရှည်လက်ရှည် သင်ပေးပြီး တကယ်ရေးတတ်သွားခဲ့တော့
ပျော်ရွှင်ခဲ့တဲ့အဖေ...

အဖေ...
သားသမီးနှစ်ယောက်ရကာမှ ဘာဝင်ငွေမှရှာမရလို့
အင်ဂျင်နီယာဘွဲ့ကို ဧည့်ခန်းမှာချိတ်
အိမ်ရှေ့မှာ စက်ဘီးပြင်ကျွေးခဲ့တဲ့အဖေ...

အဖေ...
စက်ဘီးအစုတ်လေးကိုစီး သဲကြိုးပြတ်လုကြက်ပေါင်ဖိနပ်လေးကိုစီးပြီး
မန်းလေး တောင်မြောက် ပြေးကာ ငွေရှာပေးခဲ့တဲ့အဖေ.....

အဖေ...
ဆယ်တန်းတုန်းကစာကျက်ရင်းနဲ့ အိပ်ပျော်သွားတဲ့သမီးကို
မနှိုးရက်ပဲ သူ့ပခုံးပေါ်ထမ်း အိပ်ရာထဲထိပို့ပေးခဲ့တဲ့ အဖေ...

အဖေ...
ခုသမီးဆရာဝန်တစ်ယောက်ဖြစ်ပြီ...
အဖေ့ကိုပြုစုဖို့အချိန်ရောက်ပြီ....
အဖေ နားဖို့အချိန်ရောက်ပြီ...
အဖေ ပင်ပန်းလှပြီ...

အဖေ့လက်က ကြမ်းတမ်းတာတွေကိုမြင်ရတိုင်း
အဖေ့လက်က အသားမာတက်တာတွေတွေ့ရတိုင်း
အဖေ့ခြေထောက်က ခြေဖနောင့်ကွဲတာတွေမြင်ရတိုင်း
အဖေ့ကို ဂရုမစိုက်မိခဲ့တဲ့ ဆရာဝန် သမီးမိုက်အဖြစ်
ကိုယ့်ကိုကိုယ် မြင်ယောင်လို့.......

သမီးကြိုးစားနေပါတယ် အဖေ..
သမီးရှေ့လျှောက် အဖေ့ကိုကိုယ်စိတ်နှစ်ပါးလုံးနဲ့ ပြုစုမှာပါ...
အစားထိုးမရတဲ့မိဘတွေကိုသမီးပြုစုမှာပါအဖေ...

အဖေများနေ့အထိမ်းအမှတ်အဖြစ် ကျနော့်အဖေကို ဒီကဗျာလေးနဲ့
ရှိခိုးကန်တော့လိုက်ပါတယ်....